1264 Juli 22.

Herzog Heinrich III, verleiht den Bürgern von Brieg den Leubuscher Wald.

In nomine domine amen. Cum prolixitas temporum vigorem in oblivionem transferat negociorum, consulta decretorum et provida decrevit autoritas, ut ea, que stare debent in statu solido et perhenni, apicibus litterarum ac adhibicione ydoneorum testium commendentur. Sane igitur nos Henricus dei gracia dux Slesie et dominus Wratislaviensis ad noticiam universorum presencium etfuturorum cupimus devenire et nichilominus dare sc(r)ire , quod ad instanciam virorum fide dignorum burgensium de Alta Rypa nobis dilectorum silvam nostram trans flumen Odram sitam Lubych vocatam limitatam secundum quod ducit via in Namzlov ex una parte, ex alia vero, ubi eidem ville est contigua, et a campestri Schepilwicz usque ad villam Michalowicz, et ubi tangit viam, que ab ipsa civitate ducit per predictam villam Lubych in Manschowicz, et sicut de ipsa via itur in Namczlov ad magnam et communem viam, quemadmodum per comitem Deczchonem nostrum subpincernam circuicionis titulo signari fecimus, civitati nostre Alte Ripe contulimus cum omni utilitate lignorum, pascuorum, venacionum ac mellificiorum perpetue possidendam quolibet servicio absoluto - sed in usus civium simpliciter pro beneplacito convertendam. Super quo presens scriptum sigillo nostro duximus roborandum. Actum sub testimonio comitum Johannis de Virbana, Deczchonis predicti, Ebirhardi et Symonis, magistri Valtheri et aliorum plurimorum. Datum anno domini millesimo ducentesimo sexagesimo quarto die undecimo kalendas Augusti.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.